अष्टविनायक यात्रा शास्त्रोक्त पद्धतीने करण्याचा मार्ग:

❄❄❄❄❄❄❄❄❄❄❄❄❄❄

अष्टविनायक यात्रा शास्त्रोक्त पद्धतीने करण्याचा मार्ग:

================================

   यात्रेचे नियम आणि माहिती.

१) अष्टविनायक यात्रा हि शास्त्रोक्त पद्धतीने केल्यास ती सफल होते.

२) यात्रा मार्ग हि खालील प्रमाणेच क्रमवारीत असावी.

३) सुरवात हि मोरगाव आणि शेवट हा मोरगाव ला येउनच अष्टविनायक यात्रा शास्त्रोक्त पद्धतीने पूर्ण होते.

४) प्रवासा दरम्यान कोण्याच्याही घरी ( नातेवाईक , मित्र ) थांबू नये किवा परत घरी येऊन यात्रेला जाऊ नये.

५) मार्केट मध्ये खूप टुरिस्ट कंपनी आहेत पण त्या तुम्हाला योग्य क्रमवारी प्रमाणे यात्रा करवत नाहीत.

६) या यात्रेसाठी तुम्हाला ३ दिवस आणि २ रात्री एवढा वेळ लागेल.

७) हि यात्रा करताना तुम्हाला काहीच थकवा जाणवणार नाही,  बाप्पा तुमचे सगळ्या अडचणी आणि प्रवासातील विघ्न दूर करतील.याचा अनुभव तुम्हाला येईल.

८) मनोभावे केलेल्या यात्रेची पूर्णाहुती जेव्हा मोरगाव स्थळी पूर्ण होईल, तेव्हा पूर्ण समाधान आणि आनंद याचा दिव्य अनुभव तुम्हाला येईल.


🐋🐋🐋🐳🐳🐳

१) बार्शी ते मोरगाव अंतर ( मोरेश्वर ) --
मार्ग-
       बार्शी-कुर्डुवाडी-इंदापूर-बारामती-मोरगाव
   
कि.मी.- अंतर- 180 ,
गाडीचा वेग: ताशी 60 कि मी.
प्रवास वेळ - सकाळी ६ ते ९.

२) मोरगाव ते सिद्धटेक ( सिद्धिविनायक ) -

मार्ग-
         मोरगाव- चौफुला - पाटस - टोल नाक्याच्या आधी डावीकडे वळून दौंडच्या दिशेने जाणे - सिद्धटेक.

    कि.मी.- अंतर- ६७ ,

प्रवास वेळ - सकाळी १०.३० ते १

 ३) सिद्धटेक ते पाली ( बल्लाळेश्वर ) -
मार्ग:
        सिद्धटेक - दौंड- यवत - हडपसरपुणे - येरवडा - मुंबई हायवे - निगडी - देहू मार्गे मुंबई एक्स्प्रेस हायवे - उरसे टोल नाका - आणि खालापूर टोल नाका येण्यापूर्वी ५०० मीटर अंतरावरून डावीकडे वळावे - पाली
 नोट- उर्से टोल नाक्यावर फक्त कुसगाव पर्यंत चीच पावती काढावी पुढील काढू नये रु. ११७/-,  जेव्हा एक्स्प्रेस हायवे सोडून डावीकडे पालीच्या दिशेने जाता आणि तेव्हा जर तुम्ही उन्हाळा च्या सिझन मध्ये जात असाल तर वाटेत तुम्हाला खूप काळीमैना चा आस्वाद घ्यायला मिळेल.
  कि.मी.- अंतर- २३८ ,
प्रवास वेळ - दुपारी १.३० ते ५

४) पाली ते महड ( वरदविनायक ) -

मार्ग:
पाली- खोपोली फाटा - महड
   नोट- पाली येथे राहण्याची नीट व्यवस्था नसल्याने तुम्हाला लोणावल्याला थांबलेले परवडेल .कारण इलेक्ट्रीकल लोड शेडींग असल्याने रात्री झोपणे मुश्कील होईल.
     कि.मी.- अंतर- ४२ , प्रवास वेळ - संध्याकाळी ६.०० ते ७

५) महड ते लोणावळा -

नोट-
लोणावळ्यात एन्ट्री केल्यावर लगेच तुम्हाला ओवर हेड ब्रिज खाली हॉटेल शारदा मिळेल तिथे तुम्ही रुपये. १५००/- मध्ये राहू शकता.
  कि.मी.- अंतर- २४ , प्रवास वेळ - रात्री ७.०० ते ८.३०

दिवस दुसरा -
६) लोणावला ते थेऊर ( चिंतामणी ) -

मार्ग:
लोणावळा जुना हायवेने - देहू - निगडी - खडकी- येरवडा- हडपसर- थेऊर
नोट - थेऊर ला मंदिराच्या शेजारी महाप्रसाद व्यवस्था आहे. तिथेच दुपारचे जेवण करावे खूप छान सात्विक थाळी मिळेल.
     कि.मी.- अंतर- १०१ , प्रवास वेळ - सकाळी ८.०० ते १०.३०

७) थेऊर ते लेण्याद्री ( गिरिजात्मज ) --

मार्ग :

थेऊर -हडपसर- येरवडा- मुंबई हायवे - नाशिकफाटा - राजगुरुनगर - नारायणगाव च्या ५०० मीटर अंतर पुढे जाऊन डावीकडे -लेण्याद्री

नोट-
        तुम्ही आता खूप सुंदर निसर्गरम्य वातावरणामध्ये आहात, हे स्थान डोंगरावर कोरलेल्या लेण्यामध्ये आहे. वरती जाताना आपल्या बैग,पिशवी गाडीतच ठेवा कारण डोंगरा वरील माकडे न घाबरता तुमच्या हातातील वस्तू ओढून नेतील  किवा तुम्हाला इजा पोहोचवतील, जाताना हातात काठी जरूर ठेवा. या ठिकाणी तुम्हाला राहण्याची खूप छान व्यवस्था आहे , हॉटेल लेण्याद्री मध्ये राहू शकता.

कि.मी.- अंतर- १३० ,

 प्रवास वेळ - सकाळी ११.४५ ते ०३.३०

 ८) लेण्याद्री ते ओझर ( विघ्नहर ) -
 
कि.मी.- अंतर- १६ , प्रवास
वेळ - सकाळी ७.३० ते ८.००

९) ओझर ते रांजणगाव ( महागणपती ) -
मार्ग:
      ओझर - राजगुरुनगर - पाबळ - शिक्रापूर - रांजणगाव
         कि.मी.- अंतर- ९७ , प्रवास वेळ - सकाळी ९.०० ते ११.१५

१०) रांजणगाव ते मोरगाव
मार्ग -
           रांजणगाव - केडगाव- सुपे - मोरगाव
अंतर 90 किमी वेळ 1तास 30 मिनिटे

प्रवास वेळ 2 ते 3:30

११) मोरगाव ते  बार्शी. अंतर --
मार्ग-
       मोरगाव- बारामती-इंदापूर-बार्शी.
   
कि.मी.- अंतर- 180 ,
गाडीचा वेग: ताशी 60 कि मी.
प्रवास वेळ - ४:३०ते  ८:३०
     
🐋🐋🐋🐳🐳🐳

भिलार ........ एक पुस्तकांचे गाव.

❄❄❄❄❄❄❄❄❄❄❄❄❄❄

          भिलार ........ एक पुस्तकांचे गाव.

================================

          मी माझ्या भटकंती मध्ये आवर्जून भेट दिलेले गाव। तसे या गावाबद्दल मी वर्तमानपत्र मधून वाचले होते। पण प्रत्यक्षात काल पाहायला मिळाले। महाबळेश्वर सोडून वाईकडे येताना 12 किमीवर आहे। गावात येताच एका किराणा दुकानात थोडी चौकशी केली असता , त्यांनी मला प्रकल्प कार्यालयात जाणेविषयी सुचविले। मी लगेच कार्यालयात गेलो। तेथे प्रमुख व्यक्ती, श्री राजेश जाधव हे अतिशय मन मिळावू होते। त्यांनी संपूर्ण प्रकल्प माहिती तर दिलीच शिवाय यासंबंधी असलेला व्हिडिओ पण दाखवला। तसेच गावात कुठे कुठे पुस्तके आहेत त्याचे माहिती पत्रक पण दिले। खूप समाधान वाटले।

                  या पुस्तकाच्या गावामध्ये 30 घरांमध्ये वेगवेगळया साहित्य प्रकाराची पुस्तकं ठेवण्यात आली आहेत. वाचन चळवळ वाढावी, येणाऱ्या पर्यटकांना मराठी भाषेची समृद्धी कळावी म्हणून मराठी भाषेतील नवे-जुने लेखन, संत साहित्य, कथा कादंबरी, कविता, ललित, चरित्रे-आत्मचरित्रे, स्त्री साहित्य, क्रीडा, बालसाहित्य आणि इतिहास याचे प्रत्येक घरात वेगवेगळ्या साहित्य प्रकाराची दालन उभी केली आहेत. निवडलेल्या 30 घरांवर विविध प्रकारची चित्र रेखाटण्यात आली आहेत. चित्राच्या संगतीनुसार त्या घरात वाचकाला साहित्य उपलब्ध होते. ज्या घरांच्या भिंतीवर निसर्ग चित्र काढण्यात आली आहेत, त्या घरात निसर्ग चित्रण अथवा प्रवास वर्णनपर साहित्य ठेवण्यात आले आहे. ऐतिहासिक चित्र रेखाटलेल्या घरात ऐतिहासिक साहित्य वाचनासाठी ठेवण्यात आले आहे. संतांची चित्र काढलेल्या घरामध्ये संतवाड;मय व अध्यात्मिक पुस्तकांची भेट वाचकांना होते. अशा प्रकारे केवळ चित्रांवरुन पर्यटकाला त्या घरात कोणते साहित्य वाचनाला उपलब्ध आहे, याची माहिती मिळते. 
         पुस्तकांचे गाव प्रकल्पासाठी निवडलेल्या घरांची व ठिकाणांची नावे : 

1.हिलरेंज हायस्कूल-बालसाहित्य, 
2. अनिल भिलारे- स्पर्धा परीक्षा
3.बाळासाहेब भिलारे- कादंबरी, 
4.अनमोल्स ईन-राहूल भिलारे- महाराष्ट्र प्रदेश, मराठी भाषा व संस्कृती, 
5.शिवसागर- सुभाष भिलारे- विज्ञान, 
6.श्री हनुमान मंदिर-नियतकालिके व साहित्यिक माहिती फलक (प्रदर्शन), 
7. साई-मंदा भिलारे क्रीडा व विविध लोकप्रिय,
8. गणपत भिलारे- दिवाळी अंक, 
9.कृषी कांचन, शशिकांत भिलारे-चरित्रे व आत्मचरित्रे, बोलकी पुस्तके, 
10.साई रेस्टॉरंट-विजय भिलारे- इतिहास, 
11.विशाल भिलारे- वर्तमानपत्रे, साप्ताहिके,
12. मंगलतारा- प्रशांत भिलारे- छत्रपती शिवाजी महाराज, शिवकालीन इतिहास व गडकिल्ले, 
13. प्रकाश भिलारे-चरित्रे व आत्मचरित्रे
14. दत्तात्रय भिलारे- परिवर्तन चळवळ, समाजसुधारकांचा व सुधारणांचा इतिहास,
15. अनिल भिलारे-स्त्री साहित्य,
16. गिरीजा रिसॉर्ट- कविता.
17.श्री जननीमाता मंदिर, संत साहित्य,
18. श्री जननीमाता मंदिर (श्री गणपती मंदिरा जवळ)- साहित्यिक माहितीफलक (प्रदर्शन) 
19.मयूर रिसॉर्ट, अजय मोरे-निसर्ग, पर्यटन आणि पर्यावरण, 
20.प्रवीण भिलारे-कथा, 
21.नारायण वाडकर- लोकसाहित्य, 
22.तानाजी भिलारे-कादंबरी, 
23.जिल्हा परिषद प्राथमिक शाळा-बालसाहित्य, 
24.सुहास काळे-ललित गद्य व वैचारिक, 
25.श्रीराम मंदिर साहित्यिक (प्रदर्शन) आणि भाषीक व साहित्यिक खेळ, 
26.श्याम भिलारे-नातकव चित्रपट
27.संतोष सावंत- विनोदी, जिव्हाळा, 
28.संपत भिलारे-चित्रमय पुस्तके
29.आकाश भिलारे-विविध लोकप्रिय व पुरस्कार विजेते, 
30.गणपत पारठे-विविध कलांविषयक, 

         या पैकी 4, 5,10, 12, 15, 20 , 21, 24, 27, 29 याठिकाणी निवासव्यवस्था उपलब्ध आहे।